Cəlilabad rayonunda bir neçə gün əvvəl qeyri-sabit hava şəraiti zamanı ümumilikdə 4 orta məktəbə ziyan dəyib.

AzEdu.az Reporta istinadən bildirir ki, bu barədə Lənkəran-Astara Regional Təhsil İdarəsindən məlumat verilib.

Həmçinin qeyd olunub ki, həmin məktəblərin təmir və bərpası üçün Təhsil Nazirliyin Təsərrüfat hesablı Əsaslı Tikinti və Təchizat İdarəsinə məlumat verilib.

Qeyd edək ki, aprelin 21-də təbii fəlakət (dolu, qasırğa, leysan) Cəlilabad rayonunda bir sıra fəsadlara səbəb olub.