Müxtəlif sosial platformalarda yayılan məlumata görə, bu il müəllimlərin sertifikasiyası iyun ayının 15-dən sonra başlayacaq. İddia olunur ki, Azərbaycan dili və ədəbiyyat müəllimlərinin sertifikasiya imtahanı ibtidai sinif müəllimlərindən sonra, yəni 25 iyuna təsadüf edə bilər.
 

Bəs bu iddialar həqiqətə uyğundurmu?

Məsələ ilə bağlı AzEdu.az-ın sorğusuna cavab olaraq Elm və Təhsil Nazirliyindən bildirilib ki, növbəti bir ay ərzində imtahan keçirilməsi nəzərdə tutulmur:

“Təhsilverənlərin sertifikatlaşdırılması qaydalarının tələblərinə uyğun olaraq test imtahanı ilə bağlı məlumat 1 ay öncədən müəllimlərin şəxsi kabinetinə göndəriləcək".