MİQ-ə hazırlaşan müəllimlər üçün vebinarlar təşkil olunacaq.

AzEdu.az xəbər verir ki, bu barədə Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva bildirib.

“Qiymətləndirmə çərçivəsində qeyd olunan bəzi fənlər üzrə mövzuların dərsliklərdən oxunması tövsiyə edilir. Demək olar ki, hamısı dərsliklərdə yer alıb. Son 3 ildə mütamadi olaraq vebinarlar təşkil edilir. Ayda 2 dəfə təşkil olunan vebinarlar efirə gedir. Heç bir say məhdudiyyəti yoxdur, ölkənin bütün yerlərindən olan müəllimlər iştirak edə bilər. Keçiriləcək vebinarların tarixi və saatı Təhsil İnstitutunun sosial şəbəkə hesabında əvvəlcədən elan olunur. Bitdikdən sonra isə səhifədə yayımlanır. Burada metodika və pedaqogika ilə baxlı çoxlu sayda vəsaitlər də yerləşdirilir”.