Bakı Şəhəri üzrə Təhsil İdarəsi 2022-2023-cü tədris ilində həyata keçiriləcək təkliflər planını təqdim edib.

AzEdu.az xəbər verir ki, BŞTİ müdiri Mehriban Vəliyeva “Uşaq müdafiəsi: dialoq mühiti və qurumlararası əməkdaşlıq” mövzusunda keçirilən konfransda təklifləri ictimaiyyətin diqqətinə çatdırıb.

Həmin təkliflərə qarşılıqlı əməkdaşlıq platformasının yaradılması, mövcud problemlərin həllində məsuliyyətin bölüşdürülməsi, Koordinasiya Şurasının yaradılması, preventiv tədbirlərin əhatə dairəsinin genişləndirilməsi, əməkdaşlıq şəraitində problemlərə çevik reaksiyaların verilməsi, ictimaiyyətə peşəıkar cəhətdən əsaslandırılmış informasiyaların təqdim edilməsi, təhsil müəssisələrində marifləndirici görüşlərin keçirilməsi, şagirdlərin özünüiradə təşkilatlarının yaradılması, şagirdlərin sosial aktivliyinin artırılması, marifləndirici sosial çarxların hazırlanması daxildir.