Azərbaycan Dövlət Neft və Sənaye Universitetinin (ADNSU) Cihaz mühəndisliyi kafedrasının əməkdaşları və doktorantları Türkiyənin AKEV Universitetinin ev sahibliyi etdiyi “3D Çapı (Əlavə İstehsal) Texnologiyalar və Rəqəmsal Sənaye” adlı V Beynəlxalq Konqresdə iştirak ediblər.

ADNSU-dan AzEdu.az-a bildiriblər ki, onlayn formatda keçirilən tədbirdə bu ali məktəbin doktorantları Səməd Hüseynov, Ələddin Bayramov, Ozal Feyzili, dissertant Elvira Bünyatova, magistrantlar Məhəmməd Yusifov və Orxan Əliyevin çıxışları dinlənilib. Onlar sertifikatla təltif olunublar.

Eyni zamanda, konqresin 7-ci seksiyasına rəhbərlik edən ADNSU-nun Cihaz mühəndisliyi kafedrasının müdiri, texnika elmləri doktoru Lalə Bəkirovaya tədbirdə fəal iştirakına görə sertifikat verilib.