Azərbaycan Respublikasının Prezidenti yanında Ali Attestasiya Komissiyasında (AAK) elmi dərəcə almış iddiaçılara diplomlar və xarici ölkədə verilmiş elmi dərəcə haqqında sənədlərin nostrifikasiyası əsasında tanınması barədə şəhadətnamələr təqdim edilib.

AAK-dan AzEdu.az-a bildirilib ki, karantin rejimi qaydalarına əməl olunmaqla təşkil olunan görüşdə 5 elm sahəsi üzrə 7 nəfərə diplom və şəhadətnamələr təqdim edilib.

Tarix, filologiya və tibb elmləri üzrə fəlsəfə doktoru dissertasiyalarını müdafiə etmiş və AAK tərəfindən elmi dərəcə verilmiş 5 iddiaçıya fəlsəfə doktoru diplomları, Rusiya Federasiyasında hüquq və Çin Xalq Respublikasında iqtisad elmləri üzrə fəlsəfə doktoru elmi dərəcəsi verilmiş 2 iddiaçıya müvafiq sənədlərin nostrifikasiyası əsasında tanınması barədə şəhadətnamələr təqdim olunub.