İnsan beyninin çəkisi təxminən 1,4 kiloqramdır. Bütün düşüncələrimizin, hisslərimizin və hərəkətlərimizin əsas mənbəyi olan beyin, 86 milyardlıq bir-birinə bağlı neyron şəbəkəsi sayəsində kainatın ən mürəkkəb obyektlərindən biri hesab edilir. Ən qədim və ən geniş yayılmış fikirlərdən biri də beynin yalnız kiçik bir hissəsindən istifadə edilməsi və beynin istifadəsiz qalmış hissəsindən yararlanmaqla idrak qabiliyyətlərini daha da inkişaf etdirməyin mümkün olmasıdır.

AzEdu.az deyerler.org-a istinadən bildirir ki, insanlar tətbiq olunmayan potensialdan istifadə etməyi öyrənərək zehni qabiliyyətlərini inkişaf etdirmək istəyir. 19-cu və 20-ci əsrin əvvəllərində alimlər apardıqları təcrübə zamanı, heyvanların beyinlərinin hətta kiçik bir hissəsi qalmaqla davranışlarınının dəyişmədiyini kəşf etmişdi. Bu, tədqiqatçıların beynin kiçik bir hissəsinin belə zehni qabiliyyətlərin lazım olduğu kimi reallaşması üçün kifayət olduğu qənaətinə gəlməsinə səbəb oldu. Müasir klinik təcrübə açıq şəkildə beynin 10% işləmə mifi ilə ziddiyyət təşkil edir, beynin hətta çox kiçik sahələrinə, məsələn insult halı, xəstənin zehni qabiliyyəti üçün fəlakətli nəticələrə səbəb ola bilər. Müasir üsullar və beyin funksiyasının müşahidəsi də bu nəzəriyyə ilə ziddiyyət təşkil edir. Bu müşahidələr, əksər tapşırıqlar zamanı beynin çox hissəsinin aktiv olduğunu göstərir. Beyin, bədənin ümumi enerjisinin 20-25%-ni istifadə edir. Beyin əslində 86 milyard neyronunun hamısını eyni anda aktiv etmir. Məhz siqnal göndərən hüceyrələr və eyni zamanda istirahətdə qalan hüceyrələr arasındakı tarazlıq beynin məlumat işləmə qabiliyyəti üçün vacibdir.