“Pandemiya yaratdığı çətinliklə təhsil sahəsindəki boşluğu və bu sahənin inkişaf etdirilməsinin vacibliyini göstərdi”.
Bunu AzEdu.az -a açıqlamasında təhsil eksperti Adil Vəliyev qeyd edib.
O bildirib ki, illərdir distant təhsilin vacibliyini vurğulayırdıq və bu sistemin təhsilin inkişafına, dövlət büdcəsinə müsbət təsirini qeyd edirdik.
10-11 –ci siniflərdə ənənəvi təhsilin bərpası onların nəticələrinə təsir edəcək
Bildiyiniz kimi, məktəblərdə dərslər növbəli şəkil qorunmaqla ənənəvi formada başlanıldı. Qeyd etmək istəyirəm ki, 10-11- ci sinif şagirdləri istisna olmaqla aşağı sinif şagirdlərinin növbəlilik prinsipi qorunmaqla ənənəvi şəkildə dərslərə davam etməsini təmin etmək olar. 10-11-ci sinif şagirdləri fikrimcə, artıq özləri üçün plan-proqram hazırlayıblar, məktəbə gəlmələri onların proqramında dəyişiklik etmələrinə səbəb olacaq və bu dəyişiklik onların nəticələrinə təsir edəcək.
"Bunu universitetlərdə etmək mümkünsüzdür"
Mümkünsüzlüyün əsas səbəblərindən biri gənclərin görüşərkən yaxın təmasda olması, bəzilərinin orqanizmi güclü olduğu üçün xəstəliyi özündə hiss etməyərək ailə üzvlərinə və yaxınlarına keçirmə təhlükəsidir. Fikrimcə, yaz semestrində universitetlərdə dərslər ənənəvi formada başlayarsa rayonda yaşayan minlərlə gənc şəhərlərə üz tutacaq ki, bu da istər ictimai nəqliyyatda, istərsə də istirahət mərkəzlərində xəstəliyin sürətlə yayılmasına səbəb olacaq və biz ən başa qayıtmış olacağıq.
"Verilən qərarları iki dəfə düşünməliyik"
Başa düşüləndir ki, tələbələr online dərslərdən yorulub. Yorulmalarının əsas səbənlərindən bəzi məhdudiyyətlərin olması idi ki, bu məhdudiyyətlər də qismən aradan qaldırılır. Əgər bu xəstəliyin qısa müddətdə bitməsini istəyiriksə verilən qərarları iki dəfə düşünməliyik.
Qeyd edək ki, fevral ayının 15-dən etibarən ali təhsil müəssisələrində praktiki məşğələlər tələb olunan ixtisaslar və təhsilalanların fiziki iştirakını tələb edən fənlər üzrə tədris (tibb, yaradıcılıq, mühəndislik və s.) ənənəvi formada bərpa olunacaq.
kitabı