Türkiyənin Təhsil naziri Ziya Səlcuq bir layihə çərçivəsində müəllimlərlə görüşüb.
AzEdu.az xəbər verir ki, Təhsil naziri koronavirusa qarşı peyvəndləmə prosesində müəllimlərə öncəlik verilməsi istiqamətində işlədiklərini bildirib.
Görüş zamanı müəllimlərin koronavirusa qarşı ilk peyvənd olunacaq qruplar arasında yer ala bilməsi ilə bağlı Təhsil nazirinə sual ünvanlanıb. Nazir isə bu istiqamətdə ciddi işlər görüldüyünü bildirib:
“Bu mövzu ilə bağlı müzakirələr davam edir və müsbət nəticələr var. İnşallah dəqiq qərar verildikdə hər birinizə xəbər veriləcək. Siz müəllimlər bizim üçün çox dəyərlisiniz. Çünki sizlərin sayəsində övladlarımızla birlikdə bu ölkənin gələcəyini inşa edirik. Övladlarımızın üzündəki təbəssümü sizlərə borcluyuq. Bu səbəblə peyvəndin tətbiqi prosesində müəllimlərimizə öncəlik verilməsi üçün əlimizdən gələni edirik. Ən qısa zamanda müsbət nəticə alacağımıza ümüd edirəm” – deyə nazir bildirib.
kitabı