İsmayıllı rayon İcra Hakimiyyətinin başçısı Nahid Bağırov ali məktəblərə qəbul olan məzunları təbrik edib.

AzEdu.az xəbər verir ki, icra başçısı bildirib ki, Dövlət İmtahan Mərkəzinin keçirdiyi ali məktəblərə qəbul imtahanlarında İsmayıllı şəhər 5 nömrəli tam orta məktəbin məzunu Aydınova Səbinə Simran qızı I ixtisas qrupu üzrə 673 bal toplayaraq rayon üzrə ən yüksək nəticəni göstərib: "Bununla yanaşı, rayonumuzdan 20 nəfər məzun 600 baldan yüksək nəticə əldə etməklə ali məktəblərdə təhsil almaq hüququ qazanıb.

Hətta, bir sinifdәn 5 mәzun 600-dәn çox bal toplayıb. Uğurlu nailiyyәtin əldə edildiyi təhsil ocağı İ.Həsənov adına İsmayıllı şәhәr 1 nömrəli tam orta mәktәbin 11A sinfidir.

Bu günə olan məlumata əsasən, İsmayıllı rayonu üzrə 323 nəfər məzun ali məktəblərdə təhsil almaq hüququ qazanıb.

Bu münasibət ilə rayonumuzdan tələbə adı qazanan bütün şagirdləri, onların yetişməsində rolu olan təhsil ictimaiyyətini və valideynləri təbrik edirəm". (Publika)