Təhsil Nazirliyinin “Bizim müəllim” layihəsinin budəfəki təqdimatı Masallı rayonu Ərkivan qəsəbə Z.Nəcəfov adına 2 nömrəli tam orta məktəbin ibtidai sinif müəllimi Aytac Kazımlıya həsr olunub.

Nazirlikdən  bildirilib ki, A.Kazımlı 2018-ci ildə müəllimlərin işə qəbulu üzrə müsabiqədə 50 bal toplayıb.

Şagirdlərinin istedadına inanan A.Kazımlı yeni tədris metodları ilə onların dərsə marağını artırmağa çalışır.

Layihə ölkəmizin bütün bölgələrində peşəkarlığı ilə seçilən, müəllimlərin işə qəbulu üzrə müsabiqədə və diaqnostik qiymətləndirmədə yüksək bal toplayan müəllimlərin tanıdılmasına xidmət edir. (Azərtac)