Rusiyanın Surqut şəhər aeroportuna məşhur azərbaycanlı neftçi-geoloq Fərman Salmanovun adı verilib.

AzEdu.az xəbər verir ki, Modern.az bu əlamətdar hadisə ilə bağlı mərhum geoloqun oğlu İlya Salmanovdan qısa açıqlama alıb. 

“Hər bir övlad öz atasına görə sevindiyi kimi, mən də atamın adına çox sevincliyəm. Atam 11 il əvvəl dünyasını dəyişsə də, onu Rusiyada unutmayıblar. Bu çox xoşdur”,-deyə İlya Salmanov vurğulayıb.

O, azərbaycanlılara səsvermədə aktiv iştirakına görə də təşəkkür edib: 

“Azərbaycanlılara, səsvermədə iştirak edən hər kəsə təşəkkürümü bildirirəm. Mən Bakıda 3 dəfə olmuşam. Orada toyda, yasda və s. bu kimi vacib məsələlərə görə olmuşam. İndi işim çoxdur, heç yerə getmirəm. Övladlarıma, nəvələrimə Azərbaycan barədə də çox danışıram”.

Qeyd edək ki, İlya Fərman oğlu Salmanov hazırda Nijnevartovsk şəhər 3 nömrəli xəstəxanasının baş həkimi və Rusiyanın əməkdar həkimidir.