Dünyada fərqli quruluşu, böyüklüyü ilə seçilən universitetlərlə yanaşı, kitabxanalar da fəaliyyət göstərir. Hazırda internet dövrü olsa da, bu kitabxanalar öz fərqlilikləri ilə yaşayır və tələbələr bu kitabxanalardan istifadə edirlər.

AzEdu.az bu dəfə 10 dünya universitetinin kitabxanası haqqında məlumatları fotoları ilə birlikdə təqdim edir:

Kornell Universiteti , Yuris kitabxanası

Kornell Universitetində yerləşən Yuris kitabxanasında minlərlə nadir kitablar da var. Xüsusilə,  Abraham Linkoln Gettisberq nəşrinin yeganə orijinal surəti də bu kitabxanadadır.

Bundan başqa, Fransa inqilabına aid orijinal əsərlər və Tomas Cefferson – MarkesLafayet arasındakı məktub yazışmaları da burada qorunur.

Kaliforniya Universiteti, Qisel Kitabxanası

Qisel kitabxanası adını daşıdığı, amerikalı yazıçı, şair və karikaturaçı Teodor Seus Qiselin təşəbbüsü ilə qurulub.  Dünyanın ən maraqlı memarlıq nümunələrindən biri olan kitabxana 1 dekabr  1970-ci ildə Robert A. Throburn tərəfindən hazırlanıb. 4 mərtəbəli, maraqlı bir layihə olan bu binanın xarici görünüşü sırf şüşədən ibarətdir. Binanı dəmir-beton ağac formasında dirəklər saxlayır.

Kopenhagen Universiteti, Kral Kitabxanası

Kopenhagen Universitetində oxuyursunuzsa,demək, Skandinaviya ölkələrinin ən böyük kitabxanası olan “Royal” kitabxanasını görmək imkanı əldə etmişiniz.  Eyni zamanda, Danimarkanın milli kitabxanası olan Kral Kitabxanası Kopenhagenin simvollarındanbiridir. Kral kitabxanasında 17-ci əsrdən bu günə qədər Danimarkada dərc olunan bütün kitablar var.

Varşava Universitetinin Kitabxanası

Damında bağ olan bir kitabxanadır və Avropanın ən böyük botanika bağı olan dama malik kitabxanasıdır. İçərisində tarixi, elmi və botanika mövzusunda bir çox nəşrin yerləşdiyi kitabxana tələbələrlə yanaşı, hamının istifadəsi üçün açıqdır. Varşava Universiteti kitabxanasında  gözləriniz tavana baxdığı zaman siz yamyaşıl bir vizual görüntü ilə qarşılaşacaqsınız.

ABŞ, Ayova Dövlət Universiteti, Parks Kitabxanası

1925-ci ildə açılan Ayova Universitetində olan Parks Kitabxanası  90 illik tarixində 3 dəfə təmir edilərək yenilənib.

Son quruluşu sadə, amma kitab-stol-stul anbarı halına gələn kitabxanada 2.800.000 kitab və 100.000-ə yaxın qəzet var.

Ohayo Dövlət Universiteti, UilyamOxleyTompson Memorial Kitabxanası

1912-ci ildə açılan kitabxana 2006-2009-ci ildə yenidən təmir olunub və neo-klassik tərzdə qurulub.

Kitabxana daxilində aparılan şüşəli bölmələrdə səssiz və təravətli bir şəraitdə işləmək imkanı var. Kitabxanada bir çox universitetin arxivi, tarixi sənədlər, sosiologiya kafedrasının mənbələri və siyasət elmi arxivinə aid sənədlər, kitablar tapmaq mümkündür.

Çikaqo, Loyola Universiteti, Klarçek İnformation Commons Kitabxanası

Kitabxanalar, adətən, qapalı qaranlıq mistik havası olan yerlər olur, amma Çikaqoda yerləşən Loyola Universitetinə aid kitabxana bu konsepsiyanı kökündən dəyişdirir. Kitabxana göl mənzərəsinə açılır. 2005-ci ildə yaradılan “KlarçekInformationCommons” kitabxanası innovativ və rəqəmsal imkanlara malikdir. Xüsusilə kitabxananın yüksək sürətli interneti və rəqəmsal arxivi sizi ekran qarşısına kilidləyir.

Berlin Azad Universiteti, Filologiya Kitabxanası

Memar Norman Foster qurulan bu kitabxana insan beyni şəklindədir.  Burada alman və slavyan tarixi, Bizans tarixi, Dil, mədəniyyət və ədəbiyyat sahələrində kitablar ön plana çıxır.

Pensilvaniya,Lehigh Universiteti, Linderman Kitabxanası

Linderman kitabxanası 1878-ci ildə açılıb. Bu kitabxana içərisində Darvinin "Növlərin Mənşəyi" və CeymsConAudubonun daxil olduğu 40.000-ə yaxın nadir kitaba malikdir. 1 –19-cu əsrlər arasında amerikan və ingilis ədəbiyyatının bir çox əsərinin orijinal halı da kitabxanada mövcuddur. Kitabxanada fərdi və qrup iş otaqları, internetdən istifadə üçün otaqlar da var.

Miçiqan Universiteti, Aşpaz Hüquqi Elmi Kitabxanası

Dünyanın ən böyük kitabxanalarından biri olan Kuk Leqal  yüzlərlə tədqiqatçının sağlam bir şəkildə araşdırma aparmasına imkan verir. Kitabxana 1931-ci ildə açılıb və yüksək qübbə arxitekturası - uzun şüşə pəncərələri ilə nümunəvi memarlıq əsərlərindən biridir.