ANTEC Academy Ali və orta ixtisas təhsil müəssisələrində TedX platforması çərçivəsində "Karyeramızdakı "BUG"-lar" adlı ikinci görüş Azerbaycan Universitetinin tələbələri ilə olub.

AzEdu.az xəbər verir ki, görüşdə ANTEC Academy-nin rəhbəri, İT və proqramlaşdırma sahəsi üzrə mütəxəssis Günay Hüseynli, ANTEC Academy-nin təlimçiləri Data Analitik və Pyhton koç Günel Əmrahova, Frontend Developer Səxavət Qocayev və qrafik/web dizayner Süleyman Süleymanov gənclərlə öz təcrübələrini bölüşüblər.

İnteraktiv şəraitdə keçən görüşdə mütəxəssislər eyni zamanda gəncləri maraqlandıran sualları cavablandırıblar.

Qeyd edək ki, bundan əvvəl eyni adlı TEDX Bakı Biznes və Kooperasiya Kollecinin tələbələri ilə keçirilmişdi. Bu platforma çərçivəsində digər ali məktəb tələbələri ilə də görüşlərin keçiriləcəyi planlaşdırılır.