Hazıda qəbul imtahanları davam edir. Belə məqamda valideynlər diqqətli olmalı, övladlarının psixoloji vəziyyətlərinə nəzarət etməlidir.

 AzEdu.az valideynlərin imtahan sonrası övladları ilə necə davranmalı olduğunu təqdim edir:

 1.Övladınıza dəstək olun, onunla dost kimi davranın;

 Övaldınız sizi dost kimi görsə, bütün problemlərini paylaşa biləcək.  

 2.İstirahətə çıxın;

 İmtahan nəticələri açıqlana qədər istirahət etmək övladınızı stresdən uzaqlaşdıracaq.  

3.Gələcəklə bağlı neqativ düşüncələrə qapılmayın;

Gələcəkdə bağlı hər zaman seçim və ümid var. İmtahan nəticələrini bilinmədən ehtimallar üzərində danışmaq yararlı olmaya bilər. 

 4.Onu nə qədər sevdiyinizi hiss etdirin;

Nəticə nə olsa da, valideynlər övladları ilə bağlı vəzifə və öhdəlikləri yerinə yetirməlidirlər. Onları həmişə sevəcəyinizi və yanlarında olacağınızı hiss etdirin.

 5.Universitet seçimi haqında danışmayın;

İmtahan nəticələri açıqlana qədər universitet seçimi mövzusunda danışmayın. Proses tamamlandıqdan sonra kifayət qədər vaxtınız olacaq.

 6.Övladınızı digər uşaqlarla müqaisə etməyin;

Əgər siz "qonşunun uşağı qəbul oldu, sən bacarmadın" kimi sözlər işlətsəniz, o zaman, təbii ki, onda ağır psixoloji problemlər, depresiyalar yaranacaqdır.

 7.Gözləntidə real olmağa çalışın;

 Hər valideyn uşağının bilik səviyyəsina bələddir. Gözləntinizi ona uyğun müəyyənləşdirin.

Unutmayın, həyat və imtahan bir-birindən çox fəqlidir. İmtahanda uğursuz olmaq həyatda da uğursuz olacağınız demək deyil.