2022/2023-cü tədris ili üçün ali təhsil müəssisələrinin bakalavriat, magistratura və orta ixtisas təhsili səviyyələri üzrə xüsusi qabiliyyət imtahanlarına aid işçi qrupunun iclası keçirilib.

Dövlət İmtahan Mərkəzindən AzEdu.az-a bildirilib ki, iclasda teatr, kino və xoreoqrafiya sənəti istiqamətinə aid ixtisaslar üzrə kadr hazırlığını həyata keçirən Bakı Xoreoqrafiya Akademiyasının mütəxəssisləri iştirak ediblər.

2022-ci ildə keçiriləcək xüsusi qabiliyyət imtahanlarının müsabiqə şərtləri, qəbul proqramları, QABİS informasiya sistemində ekspertlər haqqında məlumatların yerləşdirilməsi müzakirələrin əsas mövzusu olub.

Ali təhsil müəssisələrinin bakalavriat səviyyəsi üzrə xüsusi qabiliyyət tələb edən ixtisaslar haqqında ümumi məlumat “Xüsusi qabiliyyət imtahanları” jurnalının 1-ci nömrəsində dərc ediləcək.

DİM qabiliyyət imtahanlarına hazırlaşmaq və ətraflı məlumat almaq Mərkəzin nəşrlərini və saytını izləməyi tövsiyə edir.