“Şəxsi məlumatlarınızı, şəxsiyyət vəsiqəsinin fin kodunu, sizə məxsus olan elektron kabinetin kodlarını, şəxsi kodunuzu xahiş edirəm heç kimə verməyin. Bu sənədlərlə siz özünüz işləməlisiniz”.
AzEdu.az xəbər verir ki, bunu DİM sədri Məleykə Abbaszadə Ali təhsil müəssisələrinə ixtisas seçimi ilə bağlı keçirilən canlı yayımda deyib.
DİM sədri abituriyentlərə müraciət edərək onları ixtisas seçimi zamanı sadəcə DİM-in Məsləhət Mərkəzlərinə güvənməyə çağırıb:
“Çünki məlumatlarınızı verdiyiniz şəxsin sizinlə şəxsi qərəzliliyi ola bilər,ərizənizi ləğv edə bilər. Bunu biz bilmirik, sizə sadəcə ərizənizin nə zaman ləğv edildiyini göstərə bilərik. İxtisas seçimi zamanı ərizənizi doldurmaq üçün şəxsi məlumatlarınızı verdiyiniz şəxs sizin ərizənizi ləğv edə bilər. Xahiş edirəm bu prosesdə çox diqqətli olun. İxtisas seçimləri bağlı bizim məsləhət mərkəzlərimiz son günə kimi, eyni zamanda əlavə yerləşdirilmə zamanı da fəaliyyət göstərəcəkdir. Sizə məsləhət lazımdırsa, bizim yaratdığımız rəsmi məsləhət mərkəzlərinə müraciət edin. Burada xidmət ödənişsizdir. Sizə lazım olan xidməti profesionallar göstərəkdir. Hər hansı bir probleminiz olarsa məsləhət mərkəzlərimizdə fəaliyyət göstərtərənlər bizim qaynar xəttimizlə əlaqə saxlayaraq problemi həll etməyə çalışacaqlar”.
kitabı