30 iyunda keçirilən imtahanlardan 2 nəfər qaydaları pozduğuna görə xaric edilib.

Bu barədə Dövlət İmtahan Mərkəzindən AzEdu.az-a bildiriblər.

6461 abituriyentdən 1294 nəfəri imtahana gəlməyib. 2 nəfər isə qaydaları pozduğu üçün imtahandan xaric edilib.

Xatırladaq ki, Dövlət İmtahan Mərkəzi iyunun 30-da:

– ümumi (9 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları;

– əvvəlki illərdə təhsil sənədi ala bilməyən və eksternat qaydasında imtahan verən məzunlar;

– üzrlü səbəbdən bu ay keçirilən buraxılış imtahanlarının (IX sinif) ikinci mərhələsində iştirak edə bilməyən cari ilin məzunları;

– orta ixtisas təhsili müəssisələrinin müsabiqəsində orta məktəbdə təhsil aldıqları bölmədən fərqli bölmə üzrə iştirak etmək istəyən Azərbaycan və ya rus dili fənni üzrə imtahanı verən cari ilin məzunları;

– orta ixtisas təhsili müəssisələrinin müsabiqəsində buraxılış imtahanı çərçivəsində verilən xarici dil fənnindən fərqli xarici dil fənni üzrə iştirak etmək istəyən cari ilin məzunları üçün imtahanlar keçirilib.