Azedu.az
https://modern.az/ https://www.instagram.com/apak.az/
2023-08-30 10:16:33
Sertifikasiya: 60 və daha yuxarı yaşda olan müəllimlər...

29 avqust tarixində təhsilverənlərin təkrar sertifikatlaşdırılması prosesinin test imtahanı mərhələsi təşkil olunub.

 

AzEdu.az xəbər verir ki, test imtahanları ölkə üzrə 4 şəhər olmaqla 13 imtahan mərkəzini əhatə edib. Ümumilikdə sertifikatlaşdırmanın test imtahanı mərhələsində 1 939 müəllim iştirak edib. İmtahanda 93% davamiyyət qeydə alınıb.

 

Xatırladaq ki, sertifikatlaşdırılma qaydalarına edilmiş dəyişikliyə əsasən 60 və daha yuxarı yaşda olan müəllimlərin prosesdə iştirakı könüllü əsasda baş tutub.

 

Qeyd edək ki, bu gün təşkil olunan sertifikatlaşdırılma prosesinin test imtahanı mərhələsinin nəticələri müəllimlərin şəxsi kabinetinə göndərilib. Müəllimlər portal.edu.az platformasında yerləşən “Sertifikatlaşdırma” bölməsinə daxil olmaqla test imtahanı nəticələri ilə tanış ola bilərlər.

 

Nəzərinizə çatdırırıq ki, müəllimlər test imtahanı mərhələsində təqdim olunan suallarla bağlı müraciətlərini 31 avqust saat 18:00-a qədər portal.edu.az platformasında yerləşən “Sertifikatlaşdırma” bölməsinə daxil olmaqla ünvanlaya bilərlər.

Müraciətlərin təhlilindən sonra yekun nəticələr elan olunacaqdır.