İyunun 20-də sertifikatlaşdırılma prosesinin test imtahan mərhələsinin ilk günü başa çatıb.

AzEdu.az-ın xəbərinə görə, respublika üzrə ilk günün ən yüksək nəticəsi 60 bal olub.

Bu nəticənin əldə edən şəxs Salyan rayonu Salman Cəfərov adına Yenikənd kənd orta məktəbinin müəllimi  Flora Dünyamalıyevadır.


O, imtahanın yaxşı təşkil olunduğunu, sualların orta səviyyədə tərtib edildiyini bildirib.


Qeyd edək ki, 20-23 iyun tarixlərində ölkə üzrə 20 minə yaxın ibtidai sinif müəllimi, 24 iyun tarixində isə 8500-dən çox Azərbaycan dili və ədəbiyyat müəllimi sertifikasiyanın test imtahanı mərhələsinə cəlb olunacaq.