Quba şəhərində 100 yerlik yeni körpələr evi-uşaq bağçası tikilib.

AzEdu.az bölgə müxbiri xəbər verir ki, hazırda binada son tamamlama və tərtibat işləri həyata keçirilir. Bağçanın sentyabr ayınadək istifadəyə verilməsi nəzərdə tutulub.

Bu ilin yanvar ayından tikintisinə başlanılan ikimərtəbəli bağçanın ümumi sahəsi 1560 kvadratmetrdir.

Balacaların zövqünə uyğun qurulan uşaq bağçası, onların rahatlığını, istirahətini və ilkin biliklərə yiyələnmələrini təmin etmək üçün bütün lazımi inventarla təchiz olunacaq. Burada müxtəlif yaş qrupları üçün məşğələ və yataq otaqları, yeməkxana, həyətdə isə istirahət guşələri yaradılır.