Dövlət İmtahan Mərkəzi (DİM) bakalavriat, magistratura və rezidenturaya qəbul və dövlət qulluğuna işə qəbul üzrə imtahanların məzmunu ilə bağlı materialların (proqramlar, imtahan modelləri və yoxlama-ölçmə materiallarının hazırlanması, ekspertizası, tədris aparılan digər dillərə tərcüməsi) hazırlanmasında, ümumtəhsil müəssisələrində qüvvədə olan dərsliklərin monitorinqində ekspert kimi iştirak etmək istəyənlərin elektron qeydiyyatına başlanılıb.

DİM-dən AzEdu.az-a bildirilib ki, qeydiyyat dekabrın 1-i saat 23:59-dək aparılır.

Qeydiyyatdan keçmək istəyənlər DİM-in saytında “Şəxsi kabinet” yaratmalı, bu keçiddən istifadə etməklə, “Şəxsi vərəq”i doldurmalı və təsdiq etməlidir. “Şəxsi vərəq”in təsdiq edilməsində çətinlik yaranarsa, həmin şəxslər (012) 310-53-16 (daxili nömrə: 1524) telefon nömrəsinə zəng edə və DİM-in regional bölmələri ilə əlaqə saxlaya bilərlər. Regional bölmələrin ünvanları və əlaqə vasitələri DİM-in saytında yerləşdirilib.