Xüsusi karantin rejimi dövründə təhsil müəssisələrində laboratoriyalara, tədris-istehsalat emalatxanalarına, tamaşa otaqlarına dair tələblər müəyyənləşib. 

AzEdu.az-ın məlumatına görə, bu barədə Nazirlər Kabinetinin qərarı ilə təsdiqlənən "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları"nda məlumat verilib. 

Qaydalarda qeyd edilib ki, laboratoriyalar, tədris-istehsalat emalatxanaları mütəmadi olaraq havalandırılır. 

Laboratoriyaların, tədris-istehsalat emalatxanalarının qarşısında spirt tərkibli əl üçün dezinfektantları və əlcəklər yerləşdirilir. 

Laboratoriyalarda, tədris-istehsalat emalatxanalarında ara məsafəsi gözlənilməlidir. 

Laboratoriyalarda, tədris-istehsalat emalatxanalarında təşkil edilən praktiki dərslərdə əlcək istifadə edilir. 

Döşəmələr xlor tərkibli məhlulla və ya digər vasitələrdə mütəmadi olaraq dezinfeksiya edilməlidir. 

Tamaşa otaqlarının isə  fəaliyyəti dayandırılır.