ABŞ-ın yeni növ koronavirusa (COVİD-19) qarşı vaksini son kliniki sınaqlardan keçə və oktyabr ayında hazır ola bilər.

AzEdu.az Trend-ə istinadən bildirir ki, bu barədə Ağ Evdə mətbuat konfransı zamanı ABŞ prezidenti Donald Tramp deyib.

D.Tramp bildirib: "Bu ilin sonuna, bəlkə də noyabrın 1-dək vaksinin hazırlanması üzrə plana uyğun hərəkət edirik. Düşünürük ki, biz vaksini hətta oktyabr ayında da əldə edə bilərik".

ABŞ prezidenti koronavirusa qarşı vaksin hazırlayan əsasə şirkətlər arasında "Pfizer", "Johnson & Johnson" və "Moderna" şirkətlərini qeyd edib.