"Keçid ballarını biz müəyyənləşdirmirik. Bu ballar müsabiqə vəziyyətinə görə müəyyənləşir".

Azedu.az  xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə keçirdiyi onlayn mətbuat konfransında bildirib.

O deyib ki, hər ixtisasa neçə nəfər imtahan verdiyinə, hansının üstünlük təşkil etdiyinə baxılır: "Hesab edirəm ki, müəyyən ixtisaslara müraciət yüksək olacaq. Keçid balını əvvəlcədən müəyyən etmək qeyri-mümkündür. Əvvəlcədən minimal şərtlər olur. Bu, dəyişməyəcək".