ADA Hüquq fakültəsinin məzunu Murad Qurbanov dünyanın ən qabaqcıl universitetlərindən (University of California Berkeley, University College London (UCL), Edinburgh University, King’s College, Vanderbilt, Queen Mary University of London, University of Bristol, George Washington University, University of Southern California, Boston College) hüquq üzrə magistr dərəcəsinə qəbul təklifləri alıb.
Bu barədə AzEdu.az-a universitetdən məlumat verilib.
Bildirilib ki, Murad Qurbanovun seçimi dünyanın top 10 universitetindən biri olan University of California, Berkeley-də beynəlxalq hüquq ixtisası (LL.M. in international law) üzrə oldu. O, həmçinin 2024/2025-ci tədris ili üçün nəzərdə tutulmuş Dövlət Proqramının da dünya reytinqində top 10 universitet üzrə qaliblərindən biri olmuş və bununla da təhsil və yaşam xərclərinin Dövlət Proqramı çərçivəsində qarşılanmasına layiq görülmüşdür.
