![](https://azedu.az/uploads/news/2024/07/azedu.az_4-_Kimya,_Biologiya_lab-_899.jpg)
Bakı Mühəndislik Universitetinin (BMU) builki qəbul planında bakalavriat səviyyəsi üzrə yer alan yeni ixtisaslar sırasında “Biotexnologiya” da var.
Universitetdən AzEdu.az-a bildirilib ki, müasir dövrümüzdə ciddi ehtiyac duyulan, habelə gələcək üçün də perspektivli sahə hesab olunan biotexnologiya biokimya, mikrobiologiya, genetika, molekulyar biologiya ilə sıx bağlıdır.
Biotexnologiya gen mühəndisliyi, hüceyrə mühəndisliyi və texnoloji problemləri həll etmək üçün orqanizmlərdən istifadə üsullarını öyrənir. Biotexnoloqlar toxuma və hüceyrə kulturalarının, dərman maddələrinin, fermentativ preparatların, eləcə də digər bioloji aktiv maddələrin əldə edilməsində də mühüm rol oynayırlar. Cəmiyyətin sürətlə inkişaf etməsi, yeni tələblərin meydana çıxması biotexnologiyanın yeni sahələrinin yaranması ilə nəticələnib və bu elmin tərkib hissəsi olan istiqamətlər insanların həyat fəaliyyətində ortaya çıxan problemlərin həllində xüsusi əhəmiyyət daşıyır.
Qida məhsullarının azaldığı, həmçinin müxtəlif infeksiyaların sürətlə yayıldığı bir dövrdə bu sahənin mütəxəssislərinə olan ehtiyac daha da artıb və “Biotexnologiya” ixtisası məzunlarına əmək bazarında ciddi tələbatın olması günümüzün reallığıdır. Bu ixtisasa yiyələnənlər tibb, kosmetika, qida, ekologiya, əczaçılıq, baytarlıq, emal sənayesi və sair sahələrdə çalışa bilərlər.
BMU-da əyani təhsil formasında tədrisi aparılacaq “Biotexnologiya” (IV qrup) ixtisası üzrə 40 yer ayrılıb. Universitetdə bu ixtisasın müasir dövrün tələblərinə uyğun tədrisi üçün güclü maddi-texniki baza və ən yeni avadanlıqlarla təchiz olunmuş laboratoriyalar mövcuddur.
Bu il BMU-da “Biotexnologiya” ilə yanaşı, “Fizika”, “Kimya”, “Riyaziyyat”, “Nəqliyyat mühəndisliyi”, “Qida mühəndisliyi” və “Şərabçılıq” kimi mühüm yeni ixtisaslar açılıb.
Ümumilikdə isə ali təhsil ocağının bakalavriat səviyyəsində 36 ixtisas üzrə qəbul aparılır (https://beu.edu.az/az/page/bakalavr-tehsili-182/). Ayrılan 2285 plan yerindən 1540 yer Azərbaycan bölməsi (əyani), 220 yer qiyabi təhsil forması, 525 yer isə ingilis bölməsi (əyani) üçün nəzərdə tutulub.
kitabı
![İmtahanda 600-dən yüksək bal toplayan tələbələr bu universiteti seçiblər İmtahanda 600-dən yüksək bal toplayan tələbələr bu universiteti seçiblər](https://azedu.az/uploads/news/2024/09/azedu.az_azedu.az_63650df7c17ac63650df7c17af16675670950e26627da6ea2e4a5eb2e85f11bbcf25_362_445.jpg)
![Şəki-Zaqatala bölgəsinin yüksək bal toplayanları - SİYAHI + FOTO Şəki-Zaqatala bölgəsinin yüksək bal toplayanları - SİYAHI + FOTO](https://azedu.az/uploads/news/2024/09/azedu.az_1709468912_2ad846ea-950d-31ca-a7a8-d60a336dbf27_850_899.jpeg)
![Müsahibə mərhələsi: Sertifikasiya və MİQ arasında fərq nədir? Müsahibə mərhələsi: Sertifikasiya və MİQ arasında fərq nədir?](https://azedu.az/uploads/news/2024/08/azedu.az_1698041596_azedu.az_12_955_353.jpg)
![MDU-da “Tyutor xidməti - 2024” təlimləri çərçivəsində seminarlar keçirilib MDU-da “Tyutor xidməti - 2024” təlimləri çərçivəsində seminarlar keçirilib](https://azedu.az/uploads/news/2024/08/azedu.az_17250022613984028789_1200x630_842.jpg)
![Rekord sayda körpə doğulub Rekord sayda körpə doğulub](https://azedu.az/uploads/news/2024/08/azedu.az_IMG_9348_191.png)
![Şəkidəki bu məktəbin fəaliyyəti DƏYİŞDİ Şəkidəki bu məktəbin fəaliyyəti DƏYİŞDİ](https://azedu.az/uploads/news/2024/08/azedu.az_118523855_3244799365615912_1637893163469662027_n_32.jpg)
![Kolleclərin boş qalan yerlərinə qəbulun NƏTİCƏLƏRİ Kolleclərin boş qalan yerlərinə qəbulun NƏTİCƏLƏRİ](https://azedu.az/uploads/news/2024/09/azedu.az_azedu.az_3026a214-101c-3101-8224-2f8ee7c3845d_850_20_768.jpg)
![Füzulinin ilk məzunları – “Təsəvvür edə bilməzdim ki, burada oxuyaram” Füzulinin ilk məzunları – “Təsəvvür edə bilməzdim ki, burada oxuyaram”](https://azedu.az/uploads/news/2024/08/azedu.az_WhatsApp_Image_2024-08-29_at_13.40.35_826.jpeg)