Harvard Universiteti ABŞ Prezidenti Donald Trampın administrasiyasına qarşı bir neçə milyard dollar məbləğində maliyyələşdirmənin bloklanması səbəbindən məhkəməyə müraciət edib.
AzEdu.az xəbər verir ki, barədə tələbə qəzeti "The Harvard Crimson" məlumat verib.
Təhsil müəssisəsi ölkə rəhbərliyini Harvardı konstitusiya hüquqlarını müdafiə etdiyinə görə cəzalandırmaq məqsədilə qanunsuz və konstitusiyaya zidd kampaniya aparmaqda ittiham edir.
"Harvard və digər universitetlərə təklif olunan kompromis aydındır: hökumətə təhsil müəssisənizlə bağlı mikromenecmentlə məşğul olmağa icazə verin və ya onun tibdə irəliləyişlər əldə etmək, elmi kəşflər etmək və innovativ həllər tapmaq imkanlarını təhlükə altına qoyun", - nəşr bazar ertəsi Massaçusets ştatı məhkəməsinə təqdim edilmiş iddia mətnindən sitat gətirir.
Harvardın 2.2 milyard dollar məbləğində maliyyələşdirilməsinin dondurulmasının, həmçinin qrant ayrılmasından imtina edilməsi Tramp administrasiyasının Harvarda göndərdiyi məktublarda əks olunan "qeyri-konstitusion tələblərlə" bağlı olan istənilən vəsaitin qanunsuz hesab edilməsini tələb edir. Universitet əmindir ki, maliyyələşdirmədən imtina təhsil müəssisəsini öz idarəetmə sistemini dəyişməyə, akademik proqramlarını və işə qəbul qaydasını yenidən nəzərdən keçirməyə məcbur etməyə yönəlib. Universitet belə hesab edir ki, bu, söz azadlığını təmin edən konstitusiyanın birinci düzəlişinə ziddir.
"The New York Times" qəzeti qeyd edir ki, iddianın cavabdehləri kimi ABŞ təhsil naziri Linda Makmeyon, ədliyyə naziri və baş prokuror Pem Bondi, səhiyyə və sosial xidmətlər naziri Robert Kennedi-kiçik və bir sıra digər məmurlar göstərilib.
15 apreldə Tramp Harvardı siyasi təşkilat kimi qiymətləndirməyi və ali məktəbi vergidən azad edilmiş universitet statusundan məhrum etməyi təklif edib. Təhsil Nazirliyi Harvard üçün 2.2 milyard dollar məbləğində qrantların və 60 milyon dollar məbləğində uzunmüddətli müqavilələrin dondurulduğunu elan edib. Daha əvvəl Tramp administrasiyası təhsil müəssisəsinin siyasətində dəyişikliklər edilməsini tələb edib və bunu yəhudi mənşəli tələbələrin antisemitizmdən qorunması ilə əsaslandırıb. "The New York Times"ın iddia etdiyi kimi, Harvard Ağ Ev ilə əməkdaşlıq etməyə çalışıb, lakin sonradan tələblər siyahısı "antisemitizmlə heç bir əlaqəsi olmayan bəndlər" hesabına genişləndirilib. Harvard Universitetinin prezidenti Alan Qarber onları yerinə yetirməkdən imtina edib.
