Müəllimlərin sayı 13 ildə azalıb: Şəhər və kənd arasında böyük FƏRQ

13 ildə müəllimlərin sayı azalıb. 

AzEdu.az-ın Dövlət Statistika Komitəsindən əldə etdiyi məlumata görə, 2010-2011-ci illərdə dövlət və qeyri-dövlət ümumi təhsil müəssisələrində 172405 müəllim çalışıb. 2023-2024-cü illərdə isə müəllimlərin sayı azalaraq 150800 nəfərə çatıb.

Şəhər yerlərindəki ümumi təhsil müəssisələrində bu say 88251-dən, 79467-yə, kənd yerlərində isə müəllimlərin sayı 84154 nəfərdən, 71333 nəfərə enib.

Qeyd edək ki, ölkə əhalisinin 26 min nəfərini kişi müəllimlər, 124,8 min nəfərini isə qadın müəllimlər təşkil edir.