"Yüksəliş" müsabiqəsində ümumi biliklər üzrə sınaq imtahanı aprelin 20-də, ümumi biliklər imtahanı isə aprelin 27-də keçiriləcək".
AzEdu.az xəbər verir ki, bunu jurnalistlərə açıqlamasında "Yüksəliş" müsabiqəsinin işçi qrupunun rəhbəri Fərhad Hacıyev deyib.
O bildirib ki, analitik təhlil üzrə sınaq imtahanı mayın 11-də, analitik təhlil imtahanı mayın 17-18-də, idarəetmə bacarıqları imtahanı isə iyunun 1-də keçiriləcək.
"Yarımfinal imtahanı iyulun 4-ü, 5-i və 6-da, final imtahanı isə iyulun 18-19-20-də baş tutacaq", - deyə F.Hacıyev bildirib.
