İmtahanların təşkili və idarəedilməsi departamentində məsləhətçi vəzifəsi üzrə vakansiya elan edilib.
Bu barədə Dövlət İmtahan Mərkəzindən AzEdu.az-a məlumat verilib.
Struktur bölmə: İmtahanların təşkili və idarəedilməsi departamenti, İmtahanların təşkilinə texnologiya və innovasiyaların tətbiqi sektoru
Vəzifənin adı: məsləhətçi
Qulluq funksiyaları:
imtahanların təşkili və keçirilməsi prosesinə texnoloji dəstəyin verilməsi;
təşkilati işlərin optimallaşdırılması üçün lazımi proqram təminatlarının hazırlanması, tətbiqi və mövcud proqramların təkmilləşdirilməsi;
imtahanların təşkili və keçirilməsində innovasiyaların tətbiqi ilə bağlı təkliflərin hazırlanması;
ümumi hesabatların hazırlanması;
istifadə olunan məlumat bazalarının optimallaşdırılması;
departamentdə istifadə olunan proqram təminatlarının və məlumat bazalarının mütəmadi ehtiyat nüsxələrinin saxlanılması;
imtahanların təşkilinə və keçirilməsinə dair səmərələşdirici təkliflərin hazırlanması;
səlahiyyətləri çərçivəsində sektora daxil olan elektron müraciətlərin araşdırılması və cavablandırılmasının təmin edilməsi;
Mərkəzin keçirdiyi imtahan, müsahibə və tədbirlərdə iştirak edilməsi (zal nəzarətçisi, imtahan rəhbəri, Mərkəzin nümayəndəsi qismində və s.);
rəhbərlik, departament müdiri və sektor müdiri tərəfindən verilmiş tapşırıqların icra edilməsi.
Təhsilə dair tələblər: ali təhsil
İş stajına dair tələb: tələb müəyyən edilmir
Kompüter biliklərinə dair tələblər: MS Windows, MS Office, İnternet, web və ya tətbiqi proqramlaşdırma dilləri (C#, Java, React, PHP, AJAX, Javascript, HTML, CSS, Bootstrap, jQuery), məlumat bazaları (MS SQL, MySQL, MS Access) və s. (yüksək səviyyədə)
Dil biliklərinə dair tələblər: Rus dili-B2; İngilis dili-B2
Vakansiya üzrə müraciət etmək istəyən şəxslər "Kadrlar uçotunun şəxsi vərəqəsi"ni mövzu bölməsində "İmtahanların təşkilinə texnologiya və innovasiyaların tətbiqi sektorunda məsləhətçi" qeyd olunmaqla [email protected] elektron poçt ünvanına 15 aprel 2024-cü il tarixinədək göndərə bilərlər.
Kadrlar uçotunun şəxsi vərəqəsindən fərqli formada göndərilən müraciətlərə baxılmayacaq.
