Dağlıq Şirvan regionu üzrə respublika üzrə ən yaxşı məktəblərinin siyahısı təqdim edilib.
AzEdu.az-ın Dövlət İmtahan Mərkəzinin (DİM) nəşr etdiyi “Abituriyent 12” jurnalından əldə etdiyi məlumata görə, Ağsu rayonu üzrə 2024-cü ildə şəhərin ümumtəhsil müəssisələrini 525 şagird bitirib və onların 524 nəfəri buraxılış imtahanında iştirak edib.
Rayon məzunlarının 18 nəfəri 500-dən, o cümlədən 6 nəfəri 600-dən yuxarı bal toplayıb.
Respublika üzrə yaxşı nəticə göstərən məktəblərin sırasına bu il rayonun heç bir məktəbi daxil olmayıb.
İsmayıllı üzrə 2024-cü ildə şəhərin ümumtəhsil müəssisələrini 754 şagird bitirib və onların hamısı buraxılış imtahanında iştirak edib.
Rayonun məzunlarının 83 nəfəri 500-dən, o cümlədən 30 nəfəri 600-dən yuxarı bal toplayıb.
Respublika üzrə yaxşı nəticə göstərən məktəblərin sırasına bu il rayonun 1,3,5 və 6 saylı tma orta məktəbləri, Diyallı kənd və Sumağallı kənd tam məktəbləri daxil olub.
Qobustan rayonu üzrə 2024-cü ildə şəhərin ümumtəhsil müəssisələrini 274 şagird bitirib və onların hamısı buraxılış imtahanında iştirak edib.
Rayon məzunlarının 15 nəfəri 500-dən, o cümlədən 6 nəfəri 600-dən yuxarı bal toplayıb.
Respublika üzrə yaxşı nəticə göstərən məktəblərin sırasına bu il rayonun M.Əfəndiyev adına Təklə kənd orta məktəbi daxil olub.
Şamaxı rayonu üzrə 2024-cü ildə şəhərin ümumtəhsil müəssisələrini 801 şagird bitirib və onların 798 nəfəri buraxılış imtahanında iştirak edib.
Rayon məzunlarının 57 nəfəri 500-dən, o cümlədən 13 nəfəri 600-dən yuxarı bal toplayıb.
Respublika üzrə yaxşı nəticə göstərən məktəbləri sırasında bu il rayonun Texniki, humanitar və təbiət fənləri təmayüllü tipli liseyi, 9 saylı şəhər və Gövlər kənd 1 saylı tam orta məktəblərini qeyd etmək olar.
