Almaniyada qaçqın və sığınacaqda yaşayan uşaqların təhsilə çıxış imkanlarında ciddi problemlərin mövcud olduğu bildirilib.
AzEdu.az xarici KİV-ə istinadən xəbər verir ki, yerli və beynəlxalq təşkilatların apardığı müşahidələrə əsasən, bəzi sığınacaq mərkəzlərində məktəbə daxilolma prosesi ləngidilir. Bu da azyaşlıların təhsildən uzun müddət kənarda qalmasına səbəb olur və onların təhsil həyatına mənfi təsir göstərir.
Mütəxəssislər hesab edirlər ki, Almaniyada məktəb yaşına çatmış bütün uşaqlar, mənşə ölkəsindən asılı olmayaraq, məcburi təhsil sisteminə dərhal inteqrasiya olunmalıdır. Onların fikrincə, bu cür fasilələr gələcəkdə sosial inteqrasiyanı da çətinləşdirə bilər.
Hazırda məsələ ilə bağlı müvafiq qurumlar və vətəndaş cəmiyyəti institutları arasında müzakirələr aparılır. Məqsəd təhsilə bərabər çıxışı təmin etmək və bütün uşaqlar üçün inklüziv təhsil imkanlarını genişləndirməkdir.
