İxtisas seçimində iştirak edəcək namizədlər tərəfindən “Abituriyent” jurnalının 4-cü nömrəsinin nə zaman nəşr ediləcəyi ilə bağlı kütləvi şəkildə suallar ünvanlanır.
Dövlət İmtahan Mərkəzindən (DİM) AzEdu.az-a bildirilib ki, jurnal ixtisas seçimi başlayana kimi nəşr olunacaq.
Qeyd edək ki, jurnalın bu nömrəsində 2025/2026-cı tədris ili üçün Azərbaycan Respublikasının ali təhsil müəssisələrinə tələbə qəbulu müsabiqəsində iştirak etmək məqsədilə ixtisas seçimi elanı, “Abituriyentin elektron ixtisas seçimi ərizəsi”nin doldurulma qaydası, ali təhsil müəssisələrinə qəbul aparılan ixtisaslar, dövlət sifarişi ilə tələbə qəbulunun proqnozu və digər zəruri məlumatlar əks olunacaq.
