Rusiya Rektorlar İttifaqı Rusiya Federasiyasının Ukraynaya müdaxiləsini dəstəkləyən bəyanat yayıb.
Buna görə də Avropa Universitetlər Birliyinə ( European University Association) İdarə Heyəti liderləri bu bəyanatı imzalayan universitetlərin üzvlüyünü dayandırmaq qərarına gəldiklərini bildiriblər.
AzEdu.az xəbər verir ki, səbəb kimi bu bayənatın Avropa dəyərlərinə tamamilə zidd olduğu göstərilib.
Qeyd edilib ki, bu 12 universitet yenidən Avropa dəyərlərinə uyğun fəaliyyə göstərə kimi üzvlük bərpa olunmayacaq.
Avropa Universitetləri Birliyinin Ukrayna ilə bağlı son bəyanatında göstərildiyi kimi Rusiyanın bu ölkəyə müdaxiləsi ən sərt şəkildə pislənir. Həmçinin rusiyalı alimlər ilə təhsil və tədqiqat əməkdaşlığının davam etdirilməsinin hazırda məqsədəuyğun olduğu bildirilib. Buna həyati risklərini nəzərə alaraq bir çox rusiyalı akademik və tələbələrin ölkələrinin siyasətinə qarşı çıxdıqlarını əsas gətiriblər.
