2024/2025-ci tədris ili üzrə ali təhsil sistemində tələbələrin sosial vəziyyəti və maliyyələşmə mexanizmləri ilə bağlı göstəricilər açıqlanıb.
AzEdu.az-ın Dövlət Statistika Komitəsindən əldə etdiyi məlumata görə, 2024/2025-ci tədris ilində əyani şöbələrdə təhsil alan tələbələrin sayı 195 216 nəfər olub. Belə ki, onlardan 105 961 nəfəri təqaüd alıb. Bu dövrdə təqaüd alan tələbələrin ümumi tələbə sayına nisbəti 54,3 faiz təşkil edib.
Həmçinin 2024/2025-ci tədris ilində ali təhsil müəssisələrində təhsil alan tələbələrin ümumi sayı 216 125 nəfər olub. Onlardan 99 558 nəfəri təhsil haqqını müqavilə əsasında tam ödəməklə oxuyub. Göstərici yenidən hesablanaraq, ödənişli təhsil alan tələbələrin ümumi tələbə sayına nisbətinin 46,1 faiz təşkil etdiyi müəyyən edilib.
Nəticələr göstərir ki, 2024/2025-ci tədris ilində ali təhsil alan tələbələrin mühüm hissəsi həm təqaüd, həm də ödənişli təhsil mexanizmləri vasitəsilə təhsilə cəlb olunub. Təqaüd alanların əyani təhsil alan tələbələr arasında 54,3 faizlik paya sahib olması sosial dəstəyin əhatə dairəsinin geniş olduğunu göstərir. Eyni zamanda, ödənişli təhsil alanların ümumi tələbə sayında 46,1 faiz təşkil etməsi ali təhsildə maliyyələşmənin qarışıq model əsasında həyata keçirildiyini və dövlətlə yanaşı, fərdi vəsaitlərin də əhəmiyyətli rol oynadığını ortaya qoyur.
