Ümumi təhsil orta məktəblərinin adlarında bəzən müxtəlif səbəblərdən dəyişikliklər müşahidə olunur.
Maraqlıdır, bu günə qədər adları dəyişən orta məktəblər hansılardır?
Mövzu ilə bağlı AzEdu.az Təhsil Portalı Şirvan-Salyan Regional Təhsil İdarəsinə sorğu ünvanlayıb.
İdarədən sorğumuza cavab olaraq bildirilib ki, ümumilikdə 8 məktəbin adında dəyişilik olub:
"Belə ki, ötən tədris ili ərzində regionumuz üzrə ümumi təhsil müəssisələrindən Hacıqabul rayonu İnayət Həsənov adına Meyniman (əvvəl Meynaman) kənd tam orta ümumtəhsil məktəbi, Hacıqabul rayonu Faiq Kərimov adına Ələtli ( əvvəl Xilə) kənd ümumi orta ümumtəhsil məktəbi, Hacıqabul rayonu Namiq Mustafayev adına Kürdçü ( əvvəl Kürçülü) kənd ümumi orta ümumtəhsil məktəbi, Hacıqabul rayonu Sabir Gülmalıyev adına Birinci Udullu ( əvvəl Udulu) kənd tam orta ümumtəhsil məktəbi, Hacıqabul rayonu Rövşən Mehbalıyev adına İkinci Udullu ( əvvəl Tava) kənd tam orta ümumtəhsil məktəbi, Salyan rayonu Qaraçala qəsəbə ümumi orta ümumtəhsil məktəbi (Əvvəlki adın Arxarası kənd ümumi orta ümumtəhsil məktəbi), Neftçala rayonu Həsənabad qəsəbəsi Tofiq İsmayılov adına 2 nömrəli tam orta ümumtəhsil məktəbi (Mirqurbanlı kənd T.İsmayılov adına tam orta məktəb), Neftçala rayonu Həsənabad qəsəbəsi Şəmsəddin Orucov adına 1 nömrəli tam orta ümumtəhsil məktəbi (Həsənabad qəsəbəsi Ş.Orucov adına tam orta məktəb) adı ilə dəyişdirilib.
Qeyd edək ki, Şirvan şəhəri və Biləsuvar rayonu üzrə adı dəyişən məktəb yoxdur".
