“Təklif olunan yeni model müəllimi məktəbə bağlamaqla Azərbaycan müəllimini gündüz burda, axşam orda işləmək məcburiyyətində qoymamalıdır, Azərbaycan müəlimini bir yerdə işləməyə sövq etməlidir”.
AzEdu.az xəbər verir ki, bu sözləri elm və təhsil naziri Emin Əmrullayev İTV-nin “Diqqət mərkəzi” proqramında çıxışında deyib.
“Dərsdən sonra şagirdlərinə repetitorluq edən müəllimlər var ki, bu da sistemlə bağlı problemdir. Bu işdə müəllimi günahlandırmaqla bir şey olmur. Çünki bu 10 illər ərzində formalaşmış bir məsələdir. Burda yalnız günahkar müəllimdir demək doğru deyil”, - deyə, nazir əlavə edib.
