AzEdu.az xəbər verir ki, yeni Üfüqlər kosmik gəmisi 2006-cı ildə Yer Kürəsini tərk edəndə NASA alimlərinin bu insansız kosmik gəmi ilə böyük gözləntiləri var idi. Bu həftə isə Yeni Üfüqlər onların gözləntilərini reallaşdırır.

 

“Yeni Üfüqlər günəş sisteminin daha öncə tətdiq edilməyən Kuiper Kəməri adlı regionundadır. Orada planetlərin formalaşması zamanından qalan cismlər mövcuddur və ora nəhəngir. Həmin region günəşdən 4.8 milyard kilometr uzaqdadır”, Alan Stern bildirir.

 

Yeni İl günündə isə Yeni Üfüqlər bu materialın çox özəl hissəsinin, Ultima Tuli adlanan kiçik qaya parçasının yanından keçəcək.

 

“Günəş sisteminin bu regionu günəşdən çox uzaqda olduğu üçün 4.5 milyard il əvvəl planetlərin formalaşdığı dövrdəki şərait orada qorunub saxlanıb. Bu isə o deməkdir ki, biz Ultimanın yanından keçəndə hər şeyin başlanğında nə cür olduğunu görmək imkanı əldə edəcəyik”, Stern deyir.

 

Yüni Üfüqlər saatda 51 min kilometr sürətlə hərəkət edir, amma gözəl şəkillər çəkmək və ətraflı məlumat toplamaq üçün kifayət qədər vaxtı var.

 

Yeni Üfüqlər artıq Plutonun şəklini çəkib, amma bu çox kiçik hədəfdir.

 

Bu kələ-kötür şəkil bizim Tulinin nə qədər kiçik detallarını görə bildiyimizi göstərir, ona görə də belə yaxın görüntü əldə etmək NASA üçün böyük uğurdur.

 

“Biz ən yaxın məsafədən Ultimanın şəklini Plutonunkindən3 qat artıq dəqiqlikdə çəkməyə çalışacağıq. Buna nail ola bilsək, möhtəşəm olar”, Stern söyləyir.

 

Alimlər deyir ki, Yeni Üfüqlər gəmisinin 2026-cı ilədək işləyə biləcək kifayət qədər yanacağı var ("Amerikanın səsi").