Dövlət İmtahan Mərkəzi (DİM) dekabrın 23-də Dövlət Miqrasiya Xidməti ilə birlikdə Azərbaycan Respublikasının miqrasiya orqanlarına qulluğa qəbul olmaq istəyən namizədlər üçün test imtahanı keçirəcək.

DİM-dən AzEdu.az-a bildiriblər ki, müsabiqədə iştirak etmək istəyən namizədlərin sənəd qəbulu Dövlət Miqrasiya Xidməti tərəfindən aparılıb. İmtahanda iştirak üçün 394 nəfərin namizədliyi qeydə alınıb.

Namizədlər “İmtahana buraxılış vərəqəsi”ni dekabrın 21-nə kimi saat 10.00-dan 17.00-dək Dövlət Miqrasiya Xidmətinin Aparatından götürə bilərlər.

Test imtahanı Azərbaycan Memarlıq və İnşaat Universitetinin birinci korpusunda saat 11.00-da başlanır.

Namizədlər imtahana şəxsiyyəti təsdiq edən sənədin əslini və “İmtahana buraxılış vərəqəsi” gətirməlidirlər.

İmtаhаndа nаmizədlərə 100 test tapşırığı təqdim olunacaq. Onlardan 50 sual ümumi qanunvericilik, 20 sual Azərbaycan Respublikasının tarixi və coğrafiyası, 10 sual informatika, 20 sual isə məntiq üzrə olan test tapşırıqlarıdır.

İmtahan 3 sааt dаvаm еdəcək. Hər suаl bir bаllа qiymətləndirilir. İmtаhаn nəticəsində ümumi bаlı 70 və dаhа аrtıq оlаn nаmizədlər növbəti mərhələyə burахılırlаr.