Gürcüstan hökuməti azərbaycanlıların yığcam yaşadıqları bölgələrdə sosial layihələr həyata keçirəcək.
AzEdu.az “Azərtac”a istinadən xəbər verir ki, bu layihələr çərçivəsində azərbaycanlıların yığcam yaşadıqları Marneuli rayonunun 7 kəndində yeni məktəb binaları tikiləcək, bir neçə məktəb binası isə əsaslı təmir olunacaq.
Bunun üçün dövlət büdcəsindən 32 milyon lari vəsait ayrılıb.
Rayonda, həmçinin mərkəzi stadion və 21 kənddə tibb məntəqələri tikiləcək.
