Britaniya alimləri xərçəngin erkən mərhələdə yüksək dəqiqliklə diaqnozunu qoymaq üçün süni intellektdən istifadə ediblər.
Azedu.az saytı "Gardian" qəzetinə istinadən xəbər verir ki, yeni süni intellekt modeli anormal böyümənin xərçəng olub-olmadığını dəqiq müəyyən edə bilir. Texnologiya həkimlərə xəstəliyi tez bir zamanda müəyyən etməyə və müalicəyə başlamağa kömək edir.
Marsden Fondu, London Xərçəng Araşdırmaları İnstitutu və Britaniya paytaxtının İmperator Kollecinin mütəxəssisləri tərəfindən bu istiqamətdə təcrübə həyata keçirilib.
Təcrübə zamanı həkimlər ağ ciyərlərində yeni törəmə olan 500-ə yaxın xəstənin kompüter tomoqrafiyasının nəticələrindən istifadə ediblər. Məlum olub ki, bədxassəli şişlərin AUC metodu ilə diaqnostikasının dəqiqliyi 0,87 olub, 1-ci göstərici ideal hesab edildiyi halda, 0,5 xətaların mövcudluğunu göstərir.
Süni intellekt bədxassəli şişlərin inkişaf riski yüksək olan xəstələri də müəyyən etməyə kömək edib. 22 hadisədən 18-də daha əvvəl müdaxiləni tövsiyə edib - sonradan neoplazmaların bədxassəli olduğu təsdiqlənib.
“Ümid edirik ki, bu, gələcəkdə erkən aşkarlanmanı təkmilləşdirəcək və potensial olaraq yüksək riskli xəstələri müəyyən etməklə və onların erkən müdaxiləyə keçidini sürətləndirməklə xərçəngin müalicəsini daha uğurlu edəcək”, - deyə tərtibatçılardan biri, Dr. Benjamin Hunter bildirib.
Alimin sözlərinə görə, yeni modeldən səhiyyə sisteminin bütün səviyyələrində istifadə etmək üçün əlavə testlərə ehtiyac var.
