Müəllimlərin işə qəbulu müsabiqəsinin elektron ərizə qəbulunda əvvəlki illərdən fərqli olaraq rekord sayda-62 mindən çox müraciət daxil olub.
AzEdu.az İnsan Resursları Mərkəzinə istinadən xəbər verir ki, imtahanlar bu il də karantin qaydalarına uyğun təşkil ediləcək.
Belə ki, iyulda test imtahanı, avqustda isə müsahibələr keçiriləcək. Test imtahanı mərhələsi ilə bağlı Təhsil İnstitutu tərəfindən sınaq imtahanları təşkil edilir. Vakansiyalarla bağlı yerli idarəetmə orqanlarına tapşırıqlar verilib.
