Silahlı Qüvvələr Günü münasibətilə Şəkidə keçirilən onlayn rəsm müsabiqəsinə yekun vurulub. Şəhər gənclər və idman idarəsinin təşkil etdiyi müsabiqəyə 125 məktəbli rəsm işlərini təqdim edib.

İdarədən AzEdu.az-a verilən məlumata görə, müsabiqənin keçirilməsində məqsəd yetişməkdə olan gənc nəslin vətənpərvərlik ruhunda tərbiyəsi, onların yaradıcılıq potensialının üzə çıxarılması və inkişaf etdirilməsidir.

Müsabiqənin nəticələrinə əsasən, fərqlənən 16 iştirakçı diplom və hədiyyələrlə mükafatlandırılıb.