Azedu.az
https://modern.az/ https://www.instagram.com/apak.az/
2020-05-25 10:46:00
Gəncə Dövlət Universitetinin sabiq dekan müavininin məhkəməsi başlayıb

Gəncə Ağır Cinayətlər Məhkəməsində Gəncə Dövlət Universitetinin sabiq dekan müavini Yusifov Anar İdris oğlunun cinayət işi üzrə məhkəmə prosesi başlayıb.

AzEdu.az-ın məlumatına görə, hakim Dadaş İmanovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin hazırlıq iclasının davamı isə iyunun 3-nə təyin edilib. 

Qeyd edək ki,  Gəncə Dövlət Universitetin pedaqoji fakültəsinin dekan müavini Yusifov Anar İdris oğlu dələduzluqda və rüşvət vermədə təqsirləndirilir.

Onun barəsində Cinayət Məcəlləsinin 178-ci (dələduzluq), 312-ci (rüşvət vermə) maddələri ilə cinayət işi başlanılıb.

Gəncə Dövlət Universitetinin rektorunun müşaviri Asif Cavadov  bildirib ki, A. Yusifov barəsində cinayət işi başlanandan sonra dekan müavinliyindən azad olunub: “O, hazırda universitetdə Bədən Tərbiyəsi kafedrasında müəllim kimi çalışır”. (apa)