“2020-2025-ci il “Fəaliyyət Planı”-nın qəbul olunması üçün bir sıra vacib nüansları əsas götürdük”.
AzEdu.az xəbər verir ki,bu sözləri AMEA-nın müxbir üzvü Pənah Muradov Reyasət Heyətinin dekabrın 28-də keçirilən iclasında deyib. O,”Fəaliyyət Planı”-nın qəbul olunması üçün zəruri olan şərtləri diqqətə çatdırıb.
“2020-2025-ci il Fəaliyyət Planı”-nın təsdiq olunmasını doğuran bir sıra şərtlər var idi. Bunlar- elmin istiqamətlərini müəyyənləşdirmək, fəaliyyət istiqamətlərinə olan təhdidləri aradan qaldırmaq, elmi yanaşmanı dəyişmək, beynəlxalq istiqamətləri üstün tutmaq, AMEA və innovativ siyasəti genişləndirməkdən ibarətdir”.
Onu da qeyd edək ki, bu gün AMEA-nın 2020-2025-ci il “Fəaliyyət Planı” Reyasət Heyətinin ilin son yekunlarına həsr olunan iclasında təsdiq olunub. Akademik Ramiz Mehdiyevin rəhbərliyi ilə keçirilən iclasda səsə qoyulan “Fəaliyyət Planı” rəy çoxluğu ilə qəbul edilib.
Tədbirdə AMEA-nın akademik katibləri, vitse-prezidentləri, İqtisadiyyat naziri Mikayıl Cabbarov iştirak edir.
