Azedu.az
https://modern.az/ https://www.instagram.com/apak.az/
2019-02-02 11:32:00
Dövlət qulluğu üzrə  müsahibədə 63 nəfər uğur qazandı

Dövlət İmtahan Mərkəzi tərəfindən ötən il noyabrın 27-də elan olunan 8 dövlət orqanında inzibati vəzifələrin 3-7-ci təsnifatına uyğun vəzifələrin A və B növü üzrə ümumi müsahibə yekunlaşıb.

DİM-dən AzEdu.az-a bildiriblər ki, müsahibədə iştirak üçün 200 nəfər müraciət edib. Müsahibədə iştirak edənlərdən 63 nəfər vəzifəyə uyğun bilinib. Uğur qazananların 49-u Əmək və Əhalinin Sosial Müdafiəsi Nazirliyini, 4-ü Dövlət Turizm Agentliyini, 4-ü Maliyyə Nazirliyini, 3-ü Energetika Nazirliyini, 2-si Ali Attestasiya Komissiyasını, 1-i isə Sumqayıt Apellyasiya Məhkəməsini seçib.

Qeyd edək ki, müsahibəyə mərkəzi icra hakimiyyəti orqanlarının aparatlarında və onların tabeliyində olan qurumlarda, yerli bölmələrdə, həmçinin məhkəmə orqanlarında olmaqla 65 vakant vəzifə çıxarılıb.