Astanada Beynəlxalq “Mental Arifmetika ISMA-2019” olimpiadası keçirilib. Ilk dəfə keçirilən olimpiadada Azərbaycan, Belarus, Bolqarıstan, Qırğızıstan, Rusiya, Özbəkistan və Qazaxıstandan 500-ə yaxın uşaq qatılıb. Olimpiadanın “Super çempion” mükafatı uğrunda 5-dən 15 yaşadək uşaqlar mübarizə aparıblar. Beynəlxalq olimpiadada ölkəmizi Ləman Vəkilova, Fikrət Vəliyev və Fərid Hacıyev təmsil edib. Fikrət Vəliyev və Fərid Hacıyev çempion mükafatını, Ləman Vəkilova isə I yeri qazanıblar.
Qeyd edək ki, ISMA (International School of Mental Arithmetic) əlavə təhsil proqramı ilə 7 ölkənin 250 təhsil mərkəzində 16 mindən çox şagird məşğul olur. Olimpiada daha əvvəl Almatı, Soçi və Dubayda keçirilib.
