“Parkur ilə hərəkət, zəka ilə qələbə” adlı qrant layihəsi Şəmkir şəhərində məktəblilər üçün yeni bir inkişaf və motivasiya platforması yaradır. Layihə çərçivəsində 7-10-cu siniflərdə təhsil alan və idmana maraq göstərən 100 nəfər şagird qeyri-ənənəvi parkur idman növü üzrə praktiki məşqlərə və növbəti ay keçiriləcək parkur yarışına cəlb olunub.
AzEdu.az xəbər verir ki, layihənin əsas məqsədi Şəmkir şəhər Cahangir Rüstəmov adına tam orta məktəbin şagirdlərinin parkur idman növü vasitəsilə fiziki inkişafına nail olmaq, onların çeviklik, dözümlülük və koordinasiya bacarıqlarını gücləndirməkdir.
Qeyd edək ki, layihə Təhsildə inkişaf və innovasiyalar üzrə IX qrant müsabiqəsinin qalibidir və Şəmkir şəhər Cahangir Rüstəmov adına tam orta məktəbin müəllimi Vüqar Xəlilov tərəfindən icra olunur.
