Xarici alimlərin apardığı yeni genetik araşdırmalar ev pişiklərinin mənşəyi haqqında illərlə formalaşmış təsəvvürləri dəyişib.
AzEdu.az xəbər verir ki, araşdırmaya görə, müasir ev pişikləri əvvəllər düşünüldüyü kimi əsasən Yaxın Şərqdən deyil, Şimali Afrikadan yayılıb.
Tədqiqatçıların sözlərinə görə, qədim pişik sümükləri və genetik material üzərində aparılan analizlər pişiklərin ilk dəfə Şimali Afrikada evcilləşdiyini, daha sonra isə təxminən 2 min il əvvəl Avropaya yayıldığını göstərir. Bu prosesin ticarət yolları və insanların miqrasiyası ilə bağlı olduğu ehtimal edilir.
Alimlər hesab edirlər ki, yeni nəticələr pişiklərin insanlarla qədim əlaqələrini daha dəqiq anlamağa kömək edəcək və növlərin təkamül tarixi ilə bağlı mövcud fərziyyələri yenidən nəzərdən keçirməyə imkan yaradacaq.
Araşdırmanın tapıntıları beynəlxalq elmi mediada böyük maraqla qarşılanıb.
